[A:50]bde bar 'khrungs par gyur to/ /
gzhon nu de ni shin tu mdzes shing yid du 'ong la mtshan dpe ngo mtshar ba dang ldan pas mthong na dga' ba bskyed cing lha dang bcas pa'i 'jig rten gyis phyag bya ba'i 'os su gyur pa bstan 'dzin gyi skyes bu dam pa rnams kyis dus de nyid nas gtsug gi rgyan du 'dzin pa zhig tu gyur pa ste/ 'jam pa'i dbyangs rabs nas rabs su brgyud pa'i gdung brgyud dam pa 'di dag tu 'khrungs tsam nyid nas yon tan de lta bu dang ldan par gor ma chag cing lhag par rje btsun dam pa 'di gzhan las ches phul du byung bar dang po nyid nas mngon du gyur pa'i phyir ro/ / mtshan yang yum gyi mnal bltas dang bstun te/ rdo rje rgya sog ces gsol to/ /
de nas rim gyis sku bskyed bsrings te cung zad nar son pa nas tha mal pa'i byis pa'i spyod pa las yang dag par 'das shing thub gcod la sogs pa mi mdzad par dul zhing yid gzhung ba chos kyi bag chags shin tu gsal bas de dang mthun pa'i spyod pa mdzad pa zhig ste/ sku na phra mo'i dus shig nyin gcig yab drung la/ bdag la khang pa legs po yod lags zhus byung ba la/ yab kyis ci 'dra zhig yod ces gsungs pas/ shing dang 'jim pa