[A:51]las byas pa 'di 'dra min lags/ zhes zhus 'tshams su yum phebs nas byung bas gsung 'phro bcad song zhes zer ba dang/ yum la nga la dung mang po yod ces gsung ba dang/ rje 'di lug lo rgyal zla'i tshes brgyad la 'khrungs nas lo hril po gnyis dang zla ba gnyis tsam song ba'i khyi lo'i dpyid 'jam dbyangs kun dga' bsam grub kyi dgongs rdzogs la/ sa skya nas sngags 'chang chos kyi rgyal po spyan drangs te rtse gdong du bzhugs skabs dus rtag tu sngags 'chang rin po che'i sku drung rang du bzhugs shing/ dgong mo gsung bskang mdzad pa'i yun thams cad la phyag rnga chung chung bzo ba 'dra mo zhig yod pa de brdung gin rgyun ring po ci 'dra byung yang ngal ba med par sku drung du bzhugs pa zhig byung bas sngags 'chang chos kyi rgyal po shin tu dges te 'di la yag po rang zhig yong ba 'dug ces yang yang gsung ba byung zhes thos/ rje ngor chen dkon mchog dpal ldan pa rtse gdong du phebs skabs shig rje 'di byis pa chung ngu der bzhugs pa la/ rje ngor pas yab yum gnyis la/ gdung brgyud 'di sku skyed yag po byung 'dug sa lo thams cad mkhyen pa'i sku rjes zin pa zhig e yong/ zhes gsungs pa la/ rje 'dis yong yong zhes gsung byung bas chos rje ngor chen dang yab yum rnams ha las pa lta bur gyur/