[A:567]'byor pa'i rdo rje 'dzin pa du mas rab tu gnas pas byin rlabs kyi gzi byin 'bar bar bsgrubs par mdzad do/ /
de ltar sngags 'chang bla ma thams cad mkhyen pa rgyas sras sems dpa' chen po dmur rgod 'dul dka'i dpa' bo 'di nyid ni mkhas grub kun gyi rtse mor son pas rnams thar ngo mtshar dpag yas mchis mod kyang / mdzod 'dzin pa nam mkha' bsam 'grub dang/ shes rab ngag dbang gnyis kyis rje 'di'i rtogs brjod pod longs brtsams rung brjod bya zab cing rgya che ba/ rjod byed tshig nyog gi chud zos su btang zhing chad lhag mang bas bla ma'i zhabs tog dang mkhas pa dgyes pa'i legs bshad du mi rung mod/ bdag sogs gnas dus kyi skal ba rnams la zin thor rung tsam mchis pa nas/ 'dir nyung ngur bsdus shing zhib pa ni kho bos gsol btab kyi ngor mus chen grub pa'i dbang phyug bsod nams dpal bzang gi gsung rtsom gnang ba zhig yod kyang zhu dag nan chen dgos 'dug pas slad nas grub dbang nyid dang mkhas grub gzhan gyi zhu dag par mdzad pa de las rtogs par bya'o/ /