[A:568]ngag dbang kun dga' bsod nams rin chen/
yongs rdzogs bstan pa rin po che'i mnga' bdag rgyal sras sems dpa' sems dpa' chen po de nyid kyi sras bdag gi drin chen rtsa ba'i bla ma dam pa dpal sa skya pa chen po sngags 'chang bdud kyi stobs 'phrog ngag dbang kun dga' bsod nams rin chen bkra shis grags pa rgyal mtshan dpal bzang po zhes mtshan gyi dge legs srid zhi'i gdung sel du 'phro pa de nyid ni/ yab rje mangga'i mtshan can de nyid dgung lo sum bcu pa shing glang khrum zla'i nang yab rje 'jam dbyangs bsod nams dbang phyug gshegs nas ring por ma lon par mnal ltas su yab rje dam pa bsod nams dbang phyug de nyid byon nas lung bstan mtha' yas bstsal ba zhig shar ba'i tshe rje de nyid kyi gsol 'debs zhal gsung ma/ rgyal ba gnyis pa sho lo ka gcig sngon 'gro'i rigs brgya'i khyab bdag sogs sho lo ka drug gsung rtsom gyi gdung shugs drag po mdzad pa'i mthu dang / grub dbang de nyid kyis thugs bskyed rmad du byung ba bcas gdung sras su 'byon nges pa'i mtshan