[A:575]chu bo ri'i gru yin snyam pa zhig la mi mang po yum nyid kyis sgrol 'don mdzad pas chu'i pha rol ri sgang zhig nas shes la rang byon spyan ras gzigs bcu gcig zhal gyi sku zhig rnyed pa thugs tshags mdzad pa'i gnang ba byung ba sogs mnal ltas ngo mtshar can du ma dang / dngos su'ang sku lus yangs shing byams snying rje byang chub kyi sems dang ting nge 'dzin khyad par can thug sa rgyud la 'khrungs pa byung yod 'dug cing / yang snye thang dge slong kun dga' bstan 'dzin zhes 'dar pa paNDi ta sogs mkhas grub du ma'i slob ma rig gnas la mkhas shing 'jam dbyangs bsod nams dbang phyug gi thugs rtsis can rje btsun mkha' spyod dbang mor thugs dam snying por mdzad pa des gdung sras myur 'byon sku rim mnal ltas dang bstun par gu ru rin po che'i phyag na rdo rje'i rnam sprul 'byon pa la the tshom med gsungs pa dang / bla ma dkon mchog rgyal pos rje 'di la rdo rje phreng ba'i dbang 'bul skabs rje 'di'i gsung 'phros kyi zur zhig la/ slon dpon padma nga rang yin zhes thogs med kyis stsal ba dang / gong dkar mkhas grub dam pa blo gros dbang phyug gi mtshan ltas su/ slob dpon rin po che bsod nams rtse mo'i rnam sprul yin pa shin tu gsal bas drung yig kun dga' sangs rgyas la de'i gnas tshul