[A:576]gsung ba dang bcas/ rang re rnams nas zhabs phyi tshul bzhin byung na/ ngan song du mi skye ba'i khag theg zhes gsung 'dug pa dang /
yang yol mo sprul sku rin po che bstan 'dzin nor bus a mes zhabs la lung bstan phul ba de'i gsham na/ sku tshe 'di la mdzad pa mi rdzogs pas/ /da dung skye srid gnyis ni nges par 'dzin/ /zhes 'byung ba'i dang po rtse gdong zhabs drung kun dga' tshe dbang rig 'dzin yin tshul dang / gnyis pa bdag cag gi rnam 'dren dam pa 'di nyid yin tshul gong kun dga' tshe dbang rig 'dzin gyi rnam thar du bshad pa ltar dang / yang lce rigs rje btsun dam pa mkhyen rab byams pa ngag dbang lhun grub zhes snyigs dus mkhas grub 'gran bral de nyid kyi rnam sprul 'khrul med yin pa ni bco brgyad chen mo de nyid kyi rnam thar shel dkar phreng bar/ lcags lugs lo sa skyar phebs skabs kyi 'phros las/ bstan srung rgya mtsho'i bzhugs gnas kha'u brag rdzong mjal bar phyin/ spyan gzigs snyan dar phul bskang ba rgyas par byas skabs sgra chen po zhig dang lhan du/ dpal mgon bram gzugs sku mdog mthing nag ral pa'i thor gtsug can rgyan phyag mtshan sogs zhal bzhi yongs rdzogs ltar drag shugs mi zad pa dang ldan pa zhig zhal