[A:58]las slob paN chen nam mkha' dpal bzang/ grib tshod pa mus chen nam mkha' dpal bzang/ dbu mdzad mgon po bkra shis sogs dge slong lnga'i dbus su rab tu byung ste/ mtshan kun dga' bsod nams lhun grub bkra shis grags pa rgyal mtshan dpal bzang por gsol te tshul khrims kyi bslab pa rin po ches thugs kyi bang mdzod yongs su gang bar mdzad/ na bza' brjes pa'i tshe yum la nga'i go lag rnying pa de dgos gsung/ ma phul bas 'o na de'i nang na shig 'dra 'dug na yum gyis de tsho sha yag po dang mnyam du gos nang du 'jog rogs mdzod ces gsungs/ mkhan slob gtso bor gyur pa'i der bzhugs kyi las gral ba rnams la'ang 'bul ba gnang sbyin rgya che ba dang/ dge 'dun tshogs pa la'ang mang ja 'gyed dang bcas pa'i dga' ston mdzad/ 'jam dbyangs kun dga' bde legs pas tshogs chos dang sgos chos 'ga' zhig gnang/ bdag nyid chen po 'dis rgyal ba khyab bdag rdo rje 'chang chen po'i seng ge'i khri ga la ba der zhabs sen bkod nas der bzhugs kyi dge 'dun brgya phrag du ma 'dus pa la 'jam dbyangs a ra pa tsa na'i rjes su gnang ba mdzad/ phyis rje'i zhal nas nga mi 'kham ches zer dgos sam lo dgu pa la ngor tshogs chen du 'jam dbyangs kyi rjes gnang byas zhes gsungs so/ /