[A:59]de nas slar rtse gdong du phebs pa dang dus cher mi 'gyang bar/ 'brug lo nas rje dkon mchog dpal ldan pa rtse gdong du sku mtshams lo gsum pa'i ring la/ nyin mo'i dus thams cad du rje de'i sku gzhogs rang du bzhugs nas thub pa dgongs gsal dang/ sdom gsum rab dbye la sogs pa'i gsung rab dang/ kyai rdor la sogs pa'i smin grol skor gyi gsan sbyong phyag khrid dang bcas pa rgyun ldan du mdzad pa dang/ thugs rje chen po'i dmar khrid la sogs pa'i khrid che chung du ma dang/ dbang rjes gnang lung la sogs pa'i chos gsan pa 'ba' zhig gis dus 'da' bar mdzad/ phyis gdan sa chen por che 'don gyi skabs su yang gsung chos gsan pa sogs/ rje 'di nyid thugs kyi sras dam par gyur te/ thugs dad bsam gyis mi khyab pas rigs kyi bdag po dam par dgongs pa mdzad do/ / sku phra mo'i dus rje kun dga' rgyal mtshan pa la tshe dbang sogs chos thos yod 'dug kyang nged rang gis cher mi dran par 'dug gsungs/ rje dkon mchog dpal ldan pa yab kyi dbu blar bsten pa las kyang snga bar rje nam mkha' dpal bzang pa dbu bla gnang ba snga zhes gsung ngo/ /
de dus rje ngor pas thugs 'dun rtse gcig pa'i sgo nas zhal ngo yab yum la gdung brgyud rin po che sku mched rnams gdan sa