[A:61]sgrub mchod dang bskang gso la sogs pa'i rim pa gang ji snyed pa dag gi gral du yang phebs te shin tu byang chub par mdzad/ bstan bcos chen po thub pa'i dgongs pa gsal ba la sogs pa la thos bsam yang rgyun chags su mdzad do/ / de nas skabs shig rje btsun byams pa rab brtan pas dbu mdzad thub bstan rnam rgyal gyi mkhan slob dge 'dun dang bcas pa bsam grub rtser mtshan brjod la phebs skabs/ mkhan chen de nyid rtse gdong du spyan drangs nas 'phel rgyas su bzhugs skabs/ yab sras rnams kyis tshe dpag med lha dgu'i dbang dang grub rgyal ma'i byin rlabs/ zhag bdun ma dang sgra mi snyan pa'i tshe sgrub/ lha brgyad kyi rjes gnang rnams gsan/ srid gsum rnam rgyal gyi grwa rgyun du dmigs pa du ma rab tu byung bar mdzad/ byams pa rab brtan pas bdag nyid chen po 'di'i drung du 'jam dbyangs dmar ser gyi rjes gnang gsan pas sku na phra mo la thugs spobs pa chen pos gsung chos thogs med du stsal ba de la yum dges te bzhad shor bas de 'dra ma mdzad gsung/
shing mo bya lo khams nas 'bul sdud pa 'khor dang bstun rtse gdong nas kyang yo byad bsam gyis mi khyab pa dang bcas yab sras bzhi la dge ba'i bshes gnyen du ma dang/ dpon skya las