[A:60]chen po dpal ldan sa skyar khri 'don mdzad dgos pai' snyan zhus yang yang 'bul bar mdzad nas/ che 'don gyi yo byad la dmigs pa'i rtse gdong nas 'bul sdud pa rdzong bda' gnang ba'i bka' gros gsal 'debs mdzad de/ mdo khams phyogs kyi ngor pa la gtogs pa'i bla ma slob dpon dgon sde che chung sbyin bdag drag zhan thams cad la rje de nyid kyi phyag dam mdzad de/ rtse gdong nas gdung brgyud rin po che sku mched rnams dpal ldan sa skya'i bstan pa'i bdag por mnga' gsol rgyu yin pas/ khyed rnams kyis sa skya pa'i bstan pa'i zhabs tog dang rang rang gi 'di phyi'i don sgrub pa'i phyir du 'bul ba gang drag byed dgos/ zhes sogs kyis bskul ma mdzad de/ rdo rje 'dzin pa chen po lhun grub dpal bzang pa dpon slob rnams khams phyogs su brdzong bar mdzad/
lo gsum gyi sku mtshams grol nas rta lo'i mjug tu e waM du phebs/ de dus rje 'di dgung lo bcu gnyis pa yin la/ de dag gi mu nas sngar smos pa'i sgrub dkyil sogs dang kun rig tshe dpag med/ mi 'khrugs pa la sogs pa'i rgyud sde 'og ma'i cho ga dang dpal kye rdo rje'i rtsa rgyud dang rje dkon mchog lhun grub pas mdzad pa'i tshul gsum mdzes rgyan la sogs pa'i rgyud gzhung rnams thugs la bzung nas rgyud 'don gyi dbur phebs pa dang/