[A:702]thugs dam nyams bzhes rnams sngar las yun ring bar mdzad/ mgul glo dang mnal yer ba sogs byung bas zhal dkar ba dang gzim chung pa'i em ji gnyis nas glo gcog mnal 'gugs kyi gto dang / kho bor sngags 'bul dgos bka' phebs kyi lan ngag sdus su da nas 'byung ba'i sngags dang gto sogs so so skye bos sangs rgyas la dbu skor 'bul ba ltar gyur kyang / bla ma mnyes byed gang yin bya zhees pa ltar sems dge ba la nyes med tsam byung e yod/ gang na'ang nyer bzhi'i nyin bzhugs g.yab tu bzhugs gdan gyi zhal phyogs bzhir sgyur gsung zhing spyan nam mkhar gzigs pa dang / ma lags/ gzim 'od 'gag pa dpal dar rnams 'das dus spun du gyur nas rje nyid drung smon lam btab gras da lta sku mdun 'dzom pa bzhin mtha' ma'i gzim khri'i zhabs 'gyur yang khong tshos byed dgos phebs pas/ yang skyar ma lags nas zhabs brtan 'bul bar mdzad zhor ngos spun rnams nas kyang phyag 'tshal gyi zhabs pad yun brtan gsol ba btab par 'dun pa gang drag byed gsungs pa las gzhan ci yang mi gsung / de skabs snron zla'i mchod 'bul nyer lngar mdzad skabs yin pas nyer lnga'i nyin chos grwa lho byang nas de mdzad/ nged kyi mgon de'i zla rer chag med gnang ba'i gur drag 'phrin gzhung sku