[A:703]tshab byas nas btang ba'i nyi phyed yan la gsar 'gyur med kyang / de nas ljags dbugs sna thung zhing brel bas bzhugs g.yab du ma bzhugs par gzim khrir gdan 'dren dang ma lags sogs zhabs drung du 'khod pa rnams kyi phyag 'tshal bcas zhabs brtan gsol 'debs phur btsugs dang / dpa' chen zhig me long la ltar bcug par gzim khri yongs rdzogs 'ja' 'od 'dra bas thum nas mi mthong zer skad thos de mtshams nas nged rang gzim chung mdo'i g.yab na yod par gnas slob de spyan chab mdzad cing 'dug pas gang yin zhus par da zhabs pad mi brtan pa 'dra gsung byung bas snying gas pa lta bu'i sdug bsngal gyi skad chen por ngus pas rtabs shogs dang sdug bsngal gnyid ka 'dom pa lta bu spun gzhan rnams kyang ngu zhing gzim shar na yod par dum tsam zhig nas gzim chung du shog gsung byung bas de phral snying rus skyed nas phyin pas gzhan tsho zhabs brtan gsol 'debs byed mur 'dug cing khyad par mdzod pa des rgyun mtshan du ma zhu gin 'dug kyang spyir lo gzhon shing khyad par sdug bsngal gyis mnar bas ma nges/ 'on kyang de lan zhal gsal ni gang yang byung ma song shing / nged la spyan cher gzigs te sna grang mor song ba dang dbugs 'di'i stabs bcas nas nam phyed tsam las mi thub pa 'dra