[A:70]gsum 'dug pas gcig sa skya nas 'ong pa'i mgon chen/ gcig kha'u'i zhal/ gcig bya gshong gi rnam sras mdung dmar de dag gi 'khor du rtse gdong nas 'ong pa'i mi gsum gyi bsrung mdud mang rab zhus song gsungs pa ltar/ 'phags pa'i shel dam che ba rtse gdong gdung brgyud rnams kyi phyag na bzhugs pa de la dkar bdud lcam dral 'phreng nas dngos su bzhugs par bshad pa bzhin/ bdag chen kun dga' bsam 'grub la rnam rgyal rtser dkar bdud kyi zhal gzigs pa sogs bstan tshigs du ma snang/ lo de'i rgyal zla'i nyer lnga la mkhan chen byams pa rab brtan gshegs pa'i dgongs rdzogs thub bstan du mang 'gyed gdung 'bul rgya cher mdzad/
me spre lo sku mtshams dang sgrub mchod so so'i tshogs dpon/ dbyar chos gnang ba sogs bstan pa'i bya ba mdzad/ me bya dbo zla'i nang slar yang brang ti pa spyan drangs te lam 'bras kyi dbang lung khrid byin rlabs man ngag zhal shes phyag len tshang ma gsan/ nA lendra nas spyan 'dren byung ba bzhin ston ka der chibs kha bsgyur te dgung lo nyer brgyad pa sa khyi dpyid kha nas bzung spyan snga rin po che sogs gzhis byes kyi bla ma slob dpon gra bu slob dge 'dun tshogs pa lnga brgya tsam la gsung ngag dbang lung khrid byin