[A:71]rlabs yongs rdzogs stsal nas rtse gdong du phebs te/ sa phag lo dbyar brang ti pa spyan drangs te zla ba bcu lhag tsam la khrid bka' bcu gsum sogs gsan/
lcags glang lo dbus su chibs bsgyur dus gling stod chos rje kun dga' 'byung gnas kyi mnal lam du gsang mda' na byams mgon gyi sgar yin zer ba mang po shar ba nas zla ba gnyis tsam song tshe der rje 'dis bzhugs sgar phebs byung gsung ba dang/ nA lendra'i bkras phug tu phebs dus smyon ma zhig gis byin rlabs zhus gzhan gyis khyod gar phyin dris pas mi pham mgon la byin rlabs zhur song ba yin zer/ nA lendrar phebs 'jam dbyangs mkhyen brtse'i dbang phyug gi dngos slob chos rje sangs rgyas rin chen gyi rje 'di rnal 'byor dbang phyug rus pa'i rgyan drug can du yun ring por gzigs shing gzim khang du phebs nas da lta'i skur gzigs/ de nas nA lendrar gsung ngag dang rdo rje phreng ba sogs stsal te rtse gdong du phebs/
chu stag mgo zla'i bcu gsum gyi tho rengs paN chen nam mkha' dpal bzang zhing khams brjes te de'i dgongs rdzogs sgrub par e waM thar rtser phebs nas dpon slob lngas sku gdung gi drung snga dro kyai rdor sgrub mchod dang phyi dro bla mchod mdzad/ rgyal