[A:72]zla'i nyer bdun tho rengs sku gdung kyai rdor sbyin bsreg gi sgo nas zhugs 'bul mdzad de/ yos lo rta zla'i bar kyai rdor sgrub mchod dang bla mchod chag med mdzad/ bco brgyad nyin gdung rus bsdus shing sku khrus gsol te gdung tsha shin tu phon che bar gnang/ dgongs rdzogs tshogs chen gyi dbur rjes 'jug rnams kyi spyan drangs nas rim bzhin 'du khang dang/ 'du khang steng dang/ rong po ka drug ma'i tshogs dbur byon te yon bshad sngon 'gro'i gsung bsngo shin tu rgyas pa 'khor gsum yongs dag gi sgo nas paN chen dam pa de nyid kyi thugs kyi dgongs pa yongs su rdzogs par mdzad/ 'dus tshogs la mang ja gdan bzhes gral 'gyed tshad med dang/ rgyal tshab shar chen drung bsngo rten spang mtho mdzad/
de skabs shar chen la tshe dpag lha dgu'i dbang stsal zhing thar rtser tshogs chen la'ang tshe dpag lha dgu'i dbang dang/ bde mchog lU hi pa'i dbang sogs chos char phabs/ drung chen bsod nams shes rab pas sa skya bka' 'bum sogs thar rtse'i phyag rdzas khyad nor rnams phul/ dor gyi thugs brel rnams grub 'phral thub bstan rnam rgyal du phebs nas kun mkhyen chos sku 'od zer ba las bde mchog dril bu rim lnga'i byin rlabs dang 'khrid sogs