[A:74]dngos 'bul shin tu rgya cher bstar te gdan sa nas rtse gdong du phebs/ shar chen gyis shing 'brug ngor du gsung ngag gnang skabs snang gsum rdzogs tsam nas bzung yun ring bsnyung ste sku khams cung zad dwangs pa na thugs dam chag med rnams gso ba'i phyir spyan 'dren byung ba bzhin nag zla'i nang e waM du phebs te rgyu lam gyi dbang dang lam zab sogs thugs bzhed bzhin gnang nas klu sdings bka' 'gyur lha khang dang gzim khang gsar bzhengs la rab gnas mdzad cing phyis kyang chag med kha gso lan kha shas gsan/ gang ltar ngor gyi thugs brel rnams grub 'phral gdan sar phebs/
shing sbrul dpyid thub bstan nas chos 'od zer spyan drangs te gsang 'dus 'phags lugs/ 'jigs byed sa lug bde mchog bong zhal rnams kyi dbang dang mkha' spyod ma'i byin rlabs blo sbyong don bdun ma'i khrid sogs gsan/ slar yang me lug dgun spyan drangs te kyai rdor rgyud gsum gyi bshad bka' dang/ bde mchog rdo rje mkha' 'gro dang/ rgyu ma chen mo'i dbang/ tshe bka' dang rjes gnang du ma gsan/
sa spre chu stod tshes brgyad la chos 'od zer gshegs pa'i dgongs rdzogs thub bstan du mang ja gdan non gdung 'bul