[A:75]snyan dar/ gdung chog pa nyi shu skor la bsnyen bkur sogs dgongs rdzogs rlabs chen mdzad/ de skabs tsam la 'jam dbyangs bsod nams dbang po'i drung nas gsung ngag yongs rdzogs/ phur pa'i stod las smad las gur zhal sogs kyi rjes gnang/ tshe bka'/ jo bo'i chos 'byung brgya rtsa'i lung rnams gsan no/ /
gzhan yang dbus su yang yang phebs skabs nA lendrar gsung ngag tshar du ma dang dbang bka' grangs mang/ sems bskyed rab byung bsnyen rdzogs sogs kyi sgo nas bstan 'gro'i don mdzad cing/ mkhar rtse/ stag lung/ grub rgyal/ mtsho kha dga' ldan rtse/ spyang lung chos sde/ dga' mo/ lo dgon pa/ rgya ma rin chen sgang/ 'chad kha sogs su'ang spyan drangs te mchod cing lugs gnyis kyi sgo nas kun gyi re ba bskang/ spyang lung pa dang rin sgang pa gnyis kyis mchod gzhis mang po yang phul/ skabs shig zhwa dmar mchog sprul rin po che drug pa gar dbang chos kyi dbang phyug khams phyogs nas za dam du phebs pa la sngar nas thugs 'dris yod pa bzhin/ mtshams zhu gnang zhing/ rgyal ba karma pas kyang sku khyos gya nom phul/ yar lam sne gdong chos sde/ snye phu/ 'jun/ chu shur sogs nas kyang bsnyen bkur