[A:780]zhabs sogs kyi dus chen 'go zla'i bcu gnyis zhabs skor la nged rang bzhi thog nas 'gro gdong khyer te mchod sdong drung du phul zhing smon lam btab bo/ /
de ltar 'di skabs kyi rnam thar gzhan las rjes sgrub skor spyi dang / mchod sdong gser sku bcas kyi lo rgyus zhib tsam bris pa ni gshegs po de la 'di dag cung ngo mtshar che ba yod pas dge ba la rjes su yi rang bsam pa skye ba'i ched yin zhing / de las byung ba'i dge ba ni gzhan las khyad par 'phags pa zhig ste/ 'phags pa sdud pa las/ stong gsum ri rab srang la gzhal ba'i tshad bzung rung / /rjes su yi rang dge ba de ni de lta min/ /zhes gsungs pa lta bus mtshon nus pas bstan 'gro'i don du 'di lta'i dge ba'i sems ma gyur 'gro ba kun la skye bar gyur cig /ces tshig sgra legs po des sgro bkur dang bral ba'i lo rgyus drang por bshad nas/ de ltar bdag cag gi rnam 'dren dam pa de nyid kyi rjes su bzung ba'i spun rnams las drug pa'i lo rgyus mdor bsdus de bzhin dang / sras gsum pa kho bo cag ni tsandan sdong shul yor mos bzung ba'am/ rta lam bong bu'i 'gegs pa'am mgrin bzang gzig lpags gyon pa lta bu ste/ de'i tshul ni 'di ltar ro/ /