[A:781]ngag dbang rigs thig 'khon ston sa skya pa/ /kun mkhyen 'gro rnams dga' mdzad gdung rabs su/ /blo gros sangs rgyas bstan pa'i rgyal mtshan zhes/ /ming snyan dpal ldan bzang po thob gyur kyang / / 'chad rtsod rtsom gsum mkhas pa'i yon tan med/ /sgo gsum bag yod btsun pa'i khyur ma tshud/ /bstan 'gro'i re skong bzang po'i gras ma pher/ /lugs gnyis blang dor gsal ba'i rnam gzhag bral/ /smin grol las byung grub pa'i sne ma zin/ /'dod chags zhe sdang gti mug nor gyi phyug /nga rgyal phrag dog gzi 'od 'bar ba la/ /bstan 'dzin bla ma'i ming gog las kyi thogs/ /de phyir yang dag rtogs brjod bdag la med/ 'on kyang skyabs gnas dam pa'i thugs rje yis/ /dge 'bras da lta'i dal 'byor lus rten 'di/ /'dzam gling bstan pa'i bdag po'i gdung du skyes/ /skyes tsam nyid nas 'dren mchog du ma mjal/ /mjal bar ma zad rgyas zab gsung bcud myong / /myong bas lhag bsam dkar ba kho bo'i gshis/ /gshis lugs de ltar yin yang dad gshin dkor/ /dkor rdzas mi 'ju bzhin du dpa' nyams byed/ byed pa 'di 'dras nam zhig a tsa ma/ /ma gyur 'gro la dkon mchog thugs rjes gzigs/ /gzigs pa ji bzhin rang mtshang 'di ltar