[A:107]don gsal sogs ris med skyes chen dam pa bcu phrag bzhir nyer ba'i zhabs pad bsten te/ rgyud sde rgya mtsho'i dbang lung man ngag byin rlabs bshad khrid sogs gsan pa rgya mtsho'i pha mthar son/ gangs ljongs bla chen gcig la dus der 'di las lhag pa lta ci mnyam pa tsam yang med pa yongs su grub pa yin la/ gsan pa de dag kyang / 'jam dbyangs bla mas/ thos pa de dag thams cad kyang / /ming rkyang tsam du ma bzhag go /zhes gsungs pa ltar nyin zhag phrugs re la yang / sgom sgrub nyer bdun tsam mdzad pa dang / de dag phal che ba zhig ni sgom pas thugs nyams su bstar zhing / de las gzhan rnams kyang nyung mthar lan re gnyis 'chad spel ma mdzad pa med par/ de la brten nas spyi bye brag gi bstan pa 'dzin nges kyi slob bu mkhas grub du ma bskrun tshul 'og tu 'byung zhing / chos kyi rnam grangs dang brgyud rim sogs zhib tu shes par 'dod na/ rje rdo rje 'chang chen po de nyid kyi gsan yig rin po che pod chen gnyis kyi steng nas shes par bya ba'i dbang du zhus nas/
gnyis pa rtsom pa mdzad pa'i tshul ni/ ji skad du/ chos rnams thams cad bka' dang bstan bcos te/ /legs par gsungs dang de yi dgongs 'grel ba/ /de yi dbang gis shAkya'i bstan pa 'di/ /'jig rten khams su yun ring gnas pa 'gyur/ /zhes gsungs pa ltar brjod don dang ldan zhing dpyad gsum rnam par dag pa'i bstan bcos tshar du