[A:108]dngar ba rnams kyi nang nas rags pa tsam zhig brjod na/ 'di lta ste/ gsol 'debs brgyud 'debs zhal skong skor/ gdung rabs sogs rnam thar bsgrigs rtsom skor/ sgrub dkyil bsgrig chog bsnyen thabs sbyin sreg skor/ dkar chag bca' yig deb dang dpyad khra'i skor/ bskang mdos 'phrin 'chol gtor bzlog ru mtshon skor/ dris lan sna tshogs pa'i skor sogs gsung rab glegs bam rin po che bcu phrag gcig dang nyag ma rtse mo'i grangs ldan bzhugs pa'i ljags rtsom gyi phreng ba tshar du dngar ba rje rdo rje 'chang chen po nyid kyis bstar bar mdzad pa 'di dag ni/ ji skad du/ dge sbyong phal cher thos pa nyung / /thos pa de dag brtson pa nyung / /sdom brtson phal cher bkur ba nyung / /bkur ba de dag sdom brtson nyung / /sbyin bdag chos la dad pa nyung / /dad pa can gyi mchod bya dman/ /mchod pa de dag log 'tsho'i rgyu/ /zhes gsungs pa ltar snyigs ma lnga ches cher bdo ba'i dus 'dir chos don du gnyer ba sogs nyung ba dang / don gnyer yod pa rnams kyis kyang dam pa gong ma'i gsung zab brling dang ldan pa rnams myur du mi rtogs pas/ dam pa gong ma'i gsung la gzhir mdzad de nag 'gros 'ba' zhig tu bkod pa mdzad pa 'di ni thugs rje dang dgongs pa khyad par can du 'khums so/ /rjes 'jug rnams spro dga'i 'dzum sgros bzhad pa'i 'os su gyur lags so/ /
gnyis pa bsam sgom 'chad rtsod kyis mtshon/ lugs gnyis kyi mdzad