[A:120]gnyer ched mngags kyis rtse shod du mtshams zhu'i lha dar sogs dang / bkur gsos bdag rkyen bla na med pa spyi sgos nas mchod yon bstan la dgongs pa'i gzigs skyong bka' drin che zhing / smin zla'i tshes gsum nyin gzim chung nyi 'od 'khyil bar rgyal dbang thams cad mkhyen gzigs mchog gi mjal phyag la rje rdo rje 'chang nyid kyis phyag 'bul dang bstun rgyal ba'i dbang po mchog kyang gser khrir sku bzhengs kyis phyag lan/ mjal dar phan tshun 'bul gnang / dbu thug sogs kyi dbugs dbyung gzengs bstod dang / gsol ja'i skabs phan tshun mnyes gshin pa'i bka' gsang rmad du byung bas dus 'das rjes/ mgron khang du dkar spro'i thog rtse drung thugs dad can rnams kyi re skong dang / tshes dgur legs skyes rten 'byung bstar ba mdzad pa'i sngon du 'gro ba maNDal gyi tshom bu/ mi shigs rdo rje'i re khA can gyi bzhugs stan/ sku gsung thugs kyi rten rnams dang bcas gang gi spyan sngar 'khod de maNDal 'bul ba/ 'gro la bde skyid ma sogs kyi gsol 'debs/ zhal bzhes zhu ba rnams bka' drin che 'phral/ 'bul tshan bcu phrag lnga dang nyag ma lngas lhag pas gtsos nyer gcig de phyin gtsos med rnams mchod yon zhal rgyas kyi legs lam bslu med rten 'brel gyi bdog pa brda mtshon tsam du phul bar/ rnam kun don yod kyi rjes 'dzin mkhyen pa'i mtha' 'doms dang bcas mdzad sbyor gyi thog lha ldan gyi yul gru mtha' dag 'ja' dang smug pas gang zhing / dgung g.ya'