[A:121]dag pa/ nyi ma'i 'od zer mngon par 'bar ba/ bar snang thams cad du me tog gi char pa bu yug tu 'tshub pa 'dug ces lha ldan skye dgu phal cher nas gleng mor bsgrags par gyur to/ /gnas de'i jo shAka rnam gnyis kyi dbus 'phrul snang gandho la chen po'i rten ji snyed pa'i spyan sngar/ stong mchod rgyas 'bring bsdus gsum deb gnang bzhin gyi 'bring po'i mchod 'bul snyan shal/ rgyal bstan de 'dzin ris su ma phyed pa dar rgyas yun brtan thugs smon gyi mtshams sbyor sogs dang / bcu gnyis la mi'i dbang por legs 'bul gyi snga rol du mi dbang yab sras/ dA las yab sras sogs drag bsdus rnams la bla ma zhi khro'i tshe dbang sogs thugs 'dod bzhin bstsal rjes/ legs skyes rnams brim zhing / de skabs gdan sa chen po rtse gdong rten brten par bcas/ rje rdo rje 'changanyid kyi phyag tu nor bdag po'i tshul gyis son par gyur to/ /de nas ra mo cher mchod 'bul sogs gong bzhin dang / bcu gsum la ri bo gru 'dzin du chibs bskyod de/ jo bo lo ke shA ra/ gser gdung chen po rnam gnyis kyi dbus rten ji snyed par mchod 'bul dang / bcu drug la rnam gser brgyud gsang ne'u thog tshong khang gsar bzhengs la phyag nas/ sgrol ma rtsod rgyal/ rnam snang gangs chen/ gdung rten nga long ma sogs la mchod 'bul rgya che/ 'dus sder bsnyen bkur/ rnam gser du khrom dbang / 'jam dbyangs dmar ser dang 'byung 'dul rjes gnang sogs stsalstsol zhing /