[A:131]pa las/ gsar bskrun nyams gso bstan pa byi dor dang / /gan mdzod phyur dang dbul phongs sbyin gtong dang / /tshul khrims dri zhim bzod sran mgo me lta'i/ brtson 'grus mtha' ru phyin la gsol ba 'debs/ /bskyed rdzogs mnyam bzhag nyin mtshan dus 'da' zhing / /ma 'dres so sor dpyod pa'i shes rab bkra/ /rnam bzhi'i sbyin pa snyan smras 'khor 'dus nas/ /don spyod don mthun 'gro rnams skyong la 'dud/ /ces gsungs pa ltar lo 'dir mdzod 'dzin grwa tshang ba/ rgyal mtshan rin chen gyis bskul ma zhus don bzhin/ 'dzam gling mdzes pa'irgyan mchog sprul pa'i gandho la chen po 'di'i shar nub byang gsum gyi spen bad gsar spod dang sbrags go 'phang cher bstod cing / lho mar kha sgron bcas gtsug lag khang mdzes pa'i zhabs tog rgya cher bskrun pa'i gsung gsang lhug par grol ba'i tha tshig rdo rje'i ri mo spyi bo'i rgyan du bkod de/ 'go bzo 'ul mi bcas nas sla bcos bab col du ma song bar rgyu 'bras kyi blang dor snying khongs su bcangs te bgyis pa'i dge ba'i rtsa ba ni/ sngags 'chang chos kyi rgyal po'i rnam thar du/ gdan sa chen po 'di nyid kyi khang phran re la zhig gso byas na yang mchod rten re bzhengs pa'i phan yon dang 'dra bar bla ma gong ma rnams kyi gsung las 'byung ba thugs la zhog gsungs pas na/ de lta bu'i dge ba'i rtsa ba rgya chen po rnams la lta smos kyang ci 'tshal/ las mi rnams spyi sger nas ja chang rtsam sha sogs 'du long phun sum tshogs pa de