[A:132]dus las bzang ba ma dran/ zhes da lta'ang ngag rgyun du chags shing 'di lo khal kha 'ga' zhig dang / bla ma chu bzang pa/ gong gi rigs bdag gnas gsar rdo rje 'chang / rtse gdong sprul sku sogs phur dbang smad las sgrol dbang sogs dang / dza sag bla ma bstan chos kyi mi sna kha shas la bzang spyod kyi lung sogs 'dod chos kyi tshim par mdzad do//
dgung grangs bco brgyad du phebs pa me stag lo bkra shis lha khang gi zam sner/ chos kyi rgyal po 'phags pa rin po che'i zhal gzigs pa'i tshul 'bum thang ldeb bris las gsal ba bzhin dang / rta zla'i yar tshes la mgon khang khag bzhir 'phrin 'chol sngon 'gro'i nyer dgur gdan sa chen po rtse gdong gi phyogs su chibs kyi kha lo bsgyur te rim gyis thub bstan gser mdog can gyi chos grwa chen por byon thog tshe dpag med sprul sku'i rjes gnang zhig bstsal te/ dbo zla'i tshes drug la gdan sa rtse gdong du phyag phebs nas bstan rgyun mi nyams srid mthar spel ba'i chos sbyin rgya cher mdzad tshul ni 'di lta lags/ gong ma lnga'i sku bstod kyi ljags lung gis chos sgo phye ste/ rim gyis 'jam dkar ma ti lugs/ sgrol dkar bka' babs bdun ldan/ tshe dpag med chag lugs rnams kyi rjes gnang lung bcas dang / bcom ldan 'das snying po kyai rdo rje/ dpal chen yang dag phur pa/ gsang 'dus mi bskyod rdo rje rnams kyi smin byed kyi dbang rdul tshon gyi dkyil 'khor steng nas dang / dkar bdud lcam dral