[A:133]gyi rjes gnang / rang lugs kyi dbang rjes gnang chos spyod bskang ba'i lung / mkha' spyod skor dang 'jigs byed chos skor gur mgon yang ci rigs sogs khrom dbang rgya cher bstsal/ chos sbyin mtha' yas pa zhig gis 'dir ma zad/ sku tshe ril por 'da' bar mdzad pa rnams kyang / dbyig gnyen gyis/ chos sbyin nyon mongs can min pas/ /mdo sogs ji bzhin yang dag ston ces dang / bslab btus las/ chos kyi sbyin pa zang zing med/ /bsod nams 'phel ba'i rgyu yin no/ zhes gsungs pa ltar gyi sgo nas legs par 'doms pa sogs gdan sa de'i 'gro don rnams mdzad zin nas/ rje btsun sgrol mas lung bstan pa'i gnas ngor e waM chos ldan gyi chos grwa chen por dbang rjes gnang sogs kyis skal ldan rnams chos char gyis tshim par mdzad nas 'og min stug po bkod pa'i zhing dang mtshungs par rje btsun rin po che sogs gong ma mang po rjes 'brang bcas pas bsngags brjod kyi me tog 'thor ba mdzad pa'i gnas gdan sa chen po dpal ldan sa skyar phebs te/ sa ga'i rnal 'byor dbang phyug birWa pa sa drug gi rtogs pa rnams nyin re bzhin rim gyis brnyes pa'i dus chen dang bstun myong grol bdud rtsi ril bu'i sgrub pa rnams grol rjes/ khal kha chos rje ngag dbang lhun grub dar rgyas sgyi chu bla ma khal kha tshe brtan rgyal mtshan/ zhwa lu ba dang grangs chen dpon slob bcu phrag gnyis rgal ba sogs la/ gser chos dmar chen skor gsum/ dmar chung skor gsum/ mgon