[A:135]mdzad pa 'di ni rje nyid kyi gur gyi ljags bsnyen gnyis pa'i skabs dang / de nas 'jam mgon sangs rgyas ye shes la gong du bstan pa'i grub chen brgyad cu/ nyi sbas sgrol ma/ snar thar brgya rtsa/ sa skya bka' 'bum gyi ljags lung rnams zhal rgyas rgyas nas gsan skabs 'jam mgon mthu stobs kyi mtshan can gang la sku khrag brtas pa lta bu'i snyun gzhi lci ba zhig bzhes skabs/ ngor pa dpon slob rnams kyis 'jigs byed drug cu pa/ rnam rgyal stong mchod sogs dang / chos grwa lho byang nas kyang sku rim rgya che/ lhag par rje rdo rje 'chang nyid kyis tshe sgrub rnams la thugs brtson lhur bzhes mdzad pas/ re zhig nas sku lus las 'bu mtho gang tsam zhig mngon sum du thon pas 'phral du snyun gzhi las grol ba'ang rje rdo rje 'chang nyid kyi sku drin du yang dag par 'khums lags/ rta zla'i nang 'dren mchog sangs rgyas ye shes nyid la grangs chen bco brgyad kyi ljags lung sogs chos bka' rgya cher bstsal ba rnams de nyid gsan yig bzhin dang / gzhan yang yul chen ban tshang pa/ ngor gyi grwa rgyun kha shas sku drung sku skye/ klu lding zhabs drung / gdong dga' chos sde ba/ spyi shing bla ma sogs la dbang chos rgya cher stsol skabs mdzod 'dzin pa bro tshal gyi mu dang / de mtshams nas rje rdo rje 'chang nyid gzhis rtse rin rtse sogs la phebs skabs te/ rje nyid kyi gsung las/ de lo ngas ni gzhis rtse rin rtse sogs la'ang srid pa bar do'i rnam thar zhig bskyangs/ zhes gsungs so/ /de'i