[A:136]tshe gdan sa'i lugs zung gi thugs khur rnams gang dang zhal mi gnyis pa'i 'jam mgon mthu stobs dbang phyug nyid kyis bzhes shing / rje nyid dbang phyogs su chigs bsgyur gyis skyer kha tshal zhes par bzhugs stan 'jags te/ ngo mtshar mkhas grub kyi mdzad par gzhan dring mi 'jog pas dus 'da' bar mdzad do/ /de lo gzhis rtser char dkon po zhig byung ba'i rkyen dang bsnyad kyis 'tshol ba'i yang phyir ste rje nyid la char 'bebs dgos tshul gsol ba bzhin/ mdzad ma thag lung pa chus gang ba'i drag char zhig 'bebs par mdzad pas 'dod rgyal gyi sgrar bshos kyi ming la pag tu 'bod pa bzhin skye bo kun gyis da gzod sa skya bdag chen rin po ches pag byin song zhes gleng ba dang lhan cig dad mos dang dga' mgu lhag par che ba'i dpal la 'god par mdzad/ de nas rin rtser phebs skabs tshe dbang zhig dang gur khro bcu'i rjes gnang zhig dbang dA la nas zhus bstsal mdzad/ gnas der pha bong chen mo zhig mchis pa de med pa mdzad dgos tshul gsol ba bzhin/ mtshan gang zhig la pha bong de lhag ma tsam las mi snang ba'i rdzu 'phrul 'ga' zhig ston par mdzad ces rgan thog 'ga' zhig gis gleng ba thos/ dgos gal che dus rdzu 'phrul gyi bkod par rdugs pa'i gras ni de nyid nam yang min pas rje rdo rje 'chang nyid kyi gsung las kyang / kho bo ni bla ma gong ma rdo rje 'chang zhal mi gnyis pa mang pos rjes su bzung / bsnyen sgrub las gsum mtha' dag rang yid ches nges bgyis pa'i