[A:138]phun tshogs las 'khur du bka' yis mngags so//
dgung grangs nyer gcig tu phebs pa sbrul lo rgyal zlar spang shar bla mar rdo rje phur pa'i dbang dang grub rgyal lugs kyi tshe dbang / de'i gnam gang nas bzung bdun phrag gsum gyi bar lha chen sprul pa'i gandho la'i steng gi sngags 'chang bdud kyi stobs 'phrog ngag dbang kun dga' rin chen gyi gzim spyil ta la smon gnas yid 'ong tshal du/ gur gyi mgon po'i phyi khrid brag rdzong thun mong dang thun mong ma yin pa'i rtsal 'don bcas mdzad pa ni/ dbyig gnyen gyis/ tshul gnas thos dang bsam ldan pas/ /bsgom pa la ni rab tu sbyor/ /zhes gsungs pa bzhin/ thos pas phyi'i sgro 'dogs bcad/ de bsam byung gi dpyad pas dag par mdzad de ji bzhin sgom pa'i ngang la thugs gzhol zhing / tshar chen rin po ches/ rten gyi dkyil 'khor gsang ba'i dam rdzas dang / /rab zab bsad dang bskyed pa'i 'khrul 'khor dang / /zab gsal ting 'dzin ma nor gsang ba'i sngags/ /rtse gcig 'bad pas bsnyen sgrub mthar phyin shig /ces gsungs pa'i 'bras bu mngon gyur gyi grub rtags kyang gsal bar 'khrungs/ zhes thos lags/ khrid 'di nyid rje bla ma gnas gsar pa'i drung du gsan skabs mnal lam 'od gsal gyi ngang du bka' rtsom 'di ltar mdzad de/ kha'u brag rdzong nag po'i ri khrod du/ /zab don du ma'i 'byung gnas chos kyi rje/ /sa lo 'jam pa'i rdo rje rdo ring par/ /snying nas gsol ba