[A:139]'debs so byin gyis rlobs/ /zhes gsungs pa 'di 'dra'i rigs gzhan yang rje nyid la mang du 'khrungs kyang gsang 'os 'ga' zhig ni 'od gsal de las bzhengs nas thugs dran cher mi gsal ba'i tshul mdzad lags/ rta zla'i nang sa ngor bstan pa'i sbyin bdag chen po mdo smad sa yi thig le sde bzhi dge bcu'i dpal mngon par 'bar ba'i rgyal khab nas/ sa skyong blo gros rgyal mtshan sku 'khor rnams gdan sa chen por chibs bskyod thog rdo rje 'chang chen po'i dpal gyi mgur nas zab rgyas chos kyi bdud rtsis grol bar mdzad pa ni 'di lta mthong ste/ tshe dpag med kyai rdor rgyud lam gyi dbang / dpal chen yang dag rdo rje phur pa/ 'jigs byed/ bde mchog bong zhal/ ku ru kulle lha lnga rnams rdul tshon gyi dkyil 'khor du dbang bskur mdzad cing / sgo rum ye shes mgon po'i drung sogs su gur lha brgyad/ rtsa turmu kha bsnyen dus/ dur bdag pu tra'i zur bka'/ dkar bdud gur lha brgyad thun mong ma yin pa/ khro bcu/ dbang lha/ dmar po skor gsum/ dmag zor ma/ rnam sras ser can lha dgu rnams kyi rjes gnang / rdo rje phur pa'i smad las sgrol dbang / rtsa turmu kha dkar po tshe 'phel/ yab chos 'jam dpal dpa' gcig sgrol ma tshe sbyin ma rnams kyi rjes gnang sogs zab rgyas gdams pa'i bsil ser gyi bdud rtsis sa spyod thugs kyi kunda dkar gsal bzhin ras kyi me tog phyogs kyi bu mor ngoms pa'i dga' ston du bkod pa'i mthu la brten nas/