[A:9]gsum pa/ gdung rabs rgyas par bshad pa/
gnyisapa de'i don rgyas par bshad pa la spyi bye gnyis las/ dang po ni de yang rgyal gsung bka' 'gyur rin po che'i nang bzhugs gsang ba spyi rgyud las/ ma 'ongs 'khon gdung yin nges gang zag rnams/ /nga yi nyan thos rgyan drug mchog gnyis dang / /grub chen brgyad cu'i rnam 'phrul ma gtogs pa/ /skal ba dman pa gzhan dag 'byung re skan/ /zhes lung gis bsngags pa 'di la dgongs nas 'jam mgon kun blos/ /thub bstan mdzes rgyan bstan 'dzin du ma las/ /rgyan drug mchog sogs skyes chen du ma zhig/ /snyigs dus bstan 'gro'i rgyan du 'khon gdung zhes/ /rgyal ba'i rgyan du bsngags khyod zhabs brtan shog//ces sogs gsungs pa na/ rgyal ba'i bka' dang 'phags pa'i lung gis grub pa'i gdung rabs rin po che'i phreng ba 'di nyid brjod par bya ba la/ phan yon dang dgos pa ji ltar yod ce na/ mdo las 'jig rten na rigs thams cad kyi bla mar gyur pa/ shAkya rnams kyi skyes pa'i rabs bzung zhing gzhan dag la yang rgya cher bsnyad na chos dang mthun pa'i bsod nams kyi phung po dpag tu med pa byung ba la/ yon tan bsam gyis mi khyab pa 'phel bar byed pa yin no/ /zhes mdo