[A:10]rgyud dgongs 'grel dang bcas pa nas rgya cher gsungs pa rnams yid yul du byas te/ ji ltar bshad pa'i dgos pa yang / rgyal sras zhi ba lha'i spyod 'jug las/ sngon chad ma byung ba yang 'dir brjod med/ /sdebs sbyor mkhas pa'ang bdag la yod min te/ /de phyir gzhan don bsam pa'ang bdag la med/ /rang gi yid la bsgom phyir ngas 'di brtsams/ /dge ba sgom phyir bdag gi dad pa'i shugs/ /'di dag gis kyang re zhig 'phel 'gyur la/ /bdag dang skal ba mnyam pa gzhan gyis kyang / /ci ste 'di dag mthong na don yod 'gyur/ /zhes gsungs pa rnams kyi rjes su zhugs nas 'chad par bya'o//
'jam mgon kun blos sku mched gcung po ngag dbang mthu stobs dbang phyug yan chad ni/ nyid gsungs gdung rabs rin po che byon tshul rnam thar zhal skong na gsal bar bzhugs pa slar spros ma dgos shing / de rjes ma 'ongs srid mtha'i bar du 'byon 'gyur gyi rten 'brel du gzigs bas gcen po 'jam mgon gdung sras mched byon tshul mdo tsam rjes su 'god gnang gi nang nas/
1 kun dga' blo gros/
dpal sa skya pa chen po 'jam mgon mi yi rnam rol kun dga' blo gros 'di nyid ni/ gter ston chen po kun bzang bde chen rgyal pos/ rdzogs chen bstan pa'i mnga' bdag bIm la mi tra'i rnam sprul yin gsungs