[A:170]du ma/ bskang ba chos spyod rigs rdo rje 'chang nyid kyi gsung rtsom mang po'i ljags lung gnas mchod/ bsnyen bkur mang 'gyed gya nom pa stob pa skye bo'i bgrangs yas la grub rgyal ma sogs kyi khrom dbang / ris med kyi bla grwa rdzong dpon sogs la tshe dbang / rta mgrin sogs kyi rjes gnang sogs skal ldan gyi gdul bya du ma yang dag lam la 'god bzhin par/ lcags dang ngor e waM chos ldan du khrom dbang / tshogs chen la rnam rgyal rjes gnang / thar rtse khang gsar/ klu lding sogs la/ mkha' spyod ma'i byin rlabs sogs bstsal nas/ de skabs 'gro mgon 'phags pa rin po che'i thugs dam rten thub pa'i dbang po'i dngul sku mthong ba don ldan 'di nyid phyag tu son tshul ni/ rje nyid kyi gsung las/ 'gro ba'i mgon po chos rgyal 'phags pa rin po che'i thugs dam rten dngul sku khyad 'phags 'di me byi zla ba bzhi pa sngon ma'i tshes bdun rgyal phur gyi 'grub sbyor nyin yon tan rin po che du ma'i 'byung gnas dpal e waM chos ldan gyi rten brten par bcas spyi dang / khyad par thar rtse rdo rje 'chang chen po'i nang rten dngul gdung rin po che la kyai rdo rje'i rab gnas 'bring po phul ba'i cho ga grub nas gling khang du 'jam mgon dpal ldan chos skyong gis kho bo mched 'khor bcas la/ dga' ston rgya cher stsol ba'i thog/ sku 'dra rin po che 'di lo rgyus dang bcas gsol ras su gnang ba dang / thar rtser slebs skabs dpon rin po che dpon g.yog rnams nas sgrol dkar gyi brtan bzhugs gnang ba