[A:171]sogs mdor na rab gnas la shis pa'i rten 'brel mtha' dag ma bsgrigs lhun grub tu 'grig pa'i rten khyad par can 'di sa skya ngag dbang kun dga' blo gros sangs rgyas bstan pa'i rgyal mtshan dpal bzang pos dpal ldan sa skya'i sde bstan pa gdung rgyud dang bcas pa'i 'thas su/ khyad 'phags gtsug lag khang gi rten gras su bzhugs su gsol ba 'di bzhin ji srid bstan pa rin po che nam gnas kyi bar de srid du bzhugs pa'i 'phrin las mgon po che chung lcam dral 'khor dang bcas pas mdzod/ ces gsungs pa de bzhin/ da lta yab rje padma bdud 'dul dbang phyug gi gdung rten nang gzungs su bzhugs skad dang / yang de lo tshe sgrub slob dpon tsha bo blo bzang don ldan gyis phul ba'i chos kyi rgyal po 'phags pa rin po che'i phyag cha'i gras ljon dmar las grub pa'i gar blugs kyang gtsug lag khang der sbyor bar mdzad lags/ de nas byed spe/ gangs can srad rgod khro bu/ dge sdings/ rdzi lung sngon mo rdzong bdun/ rdo rje gdan pa/ bya gshong bo dong e pa sogs dgon pa rnams su gnas gzigs dbang lung sogs gong bzhin/ spyi dang bye brag gi gdul bya rnams rnam grol thar pa'i khang bzang du 'dren par mdzad cing / gzhan ma rje de'i mdzad pa ni nam mkha'i mtha' dang mnyam na de dus kyi mdzad pa ji snyed pa brjod pa yang de dang 'dra ba ste 'di yang gnad don du shes dgos shing / de nas sle'u dang ra ma se lung / bkra shis dar rgyas nas gdan sa chen po dpal ldan sa