[A:11]pa dang / yang gter ston theg chen gling pa karma 'gro don rab 'phel gyis/ lha lung dpal gyi rdo rje'i yang srid yin par gsungs pa dang / rnying rgyud rin chen sna bdun zhes bya ba las/ /dol rgya dol rgya zhes bya ba/ /mthar lam log pa ma yin te/ /ngo bo thugs rje chen po'o/ /zhes sogs lung bstan pa'i rtsol bral dus bab kyi bstan srung / bye tshogs chos skyong rdo rje shugs ldan rtsal gyis slob dpon chen po dze ta ri dgra las rnam rgyal gyi sprul par lung bstan pa dang/ gzhan yang sngags 'chang sems dpa' chen po grags pa blo gros/ sgrol ma lung pa mang thos bsod nams chos 'phel sogs dang thugs rgyud gcig par lung tshad mas grub pa yin te/ 'gro mgon dbang gi mtshan 'chang gyis/ /dgra las rnam rgyal bi ma mi tra dang / /dpal gyi rdo rje grags blo kun blo sogs/ /sku yi bkod pa rnam pa mang bstan nas/ /bstan pa rgyas par mdzad la gsol ba 'debs/ /zhes gsungs pa ltar dang / 'jam mgon a mes zhabs kyis/ ngag gi dbang po kun dga' blo gros mtshan/ /legs bshad bye ba ngag lam nas spel ba/ /zhes ma 'ongs pa na 'di lta bu'i mkhas grub dam par lung gis bsngags pa bcas la dgongs nas/ dngos slob gnas lnga rig pa'i paNDita kun dga' bkra shis kyis mdzad pa'i rnam thar gsol 'debs mdor bsdus legs byas gtam bzang las/ dpal yas rgyal kun mkhyen pa'i chu gter las/ /brtse ba'i thugs bskyed bstan 'gror 'dod pa dgu/ /'jo