[A:12]la nus mthu grub pa'i bsam 'phel dbang / /kun dga' blo gros zhabs la gsol ba 'debs/ /nges par rdo rje snyems bdag ngang tshul la/ /g.yo min chad med lhun grub phrin las bdag/ /'jam mgon dpa' bo nas bzung sgro lung bar/ /sna tshogs sprul pa'i zlos gar bsgyur la 'dud/ /ces gsungs pa ltar yin cing / 'khrungs rabs rnam thar rgyas pa shes par 'dod na rnam thar chen mo las rtogs par bya zhing / gzhan yang slob dpon rin po che'i ma 'ongs lung bstan las/ sa skya bo'i nang gi kun dga'i mingaH /rkyen bar chad dam sel dogs zon zabaH /lha phur pa bsten na mchog tu shisaH /rkyen der grol bod khams phan bde spelaH /zhes gsal ba dang / gang gi gcung rin po che/ nub nas sa skya'i gdung rgyud byang chub semasaH /zhes gter ston kun bzang bde chen rgyal po'i/ gter chos kyi bdag por lung gis zin pa sogs/ sku mched 'di rnams snyigs dus bstan 'gro spyi dang bye brag phan bde spel ba la bsam bzhin mi yi tshul 'dzin pa/ zog rdzus mgo 'khor gyi rnam thar dag dang mi 'dra ba mngon sum du lung gis grub tshul mdor bsdus tsam dang / de rjes sku lhums su zhugs pa dang / ji ltar bltams pa'i tshul rnams gong gi rnam thar gsol 'debs las/ slar yang mtshan mchog gsum ldan gdung rigs su/ /sa sprel snron zla'i yar ngor lhums zhugs dang / /sa bya dbo zla'i yar ngo dga' gsum la/ /gdul bya'i mgon du phebs la gsol ba 'debs/ /zhes