[A:179]drung du bslab sdom las nyams pa dang / slar blang du med pa sogs nyes pa mi 'byung ba'i ched du/ sngags 'chang chen po dang / 'jam mgon a mes zhabs kyis mdzad pa ji lta ba bzhin dam chos 'dul ba nas bshad pa ltar bslab pa 'bul chog tshul bzhin du mdzad nas ston mjug gza' skar legs 'dzoms thog chos lung rgyal po'i sras mo bzhon pa phun tshogs tshe ring de nyid gsang rgya 'dzol med du padma 'dam na gnas kyang 'dam gyis ma gos pa bzhin du khab bzhes mdzad/ mgo zla nas bzung rje nyid kyi rje btsun sa skya pa'i gdung rabs myur 'byon sku rim du/ gdugs dkar nyer bdun ma'i sgrub mchod brgya tshar grangs gsog dang / bdag mor rgyu dbang dang tshe dpag lha dgu'i dbang / sgrol ma nyer gcig sogs rjes gnang kha shas/ khyad par so so 'brang ma'i rjes gnang brgya tshar rnams mdzad pa nas bzung rje btsun sa skya pa'i gdung rgyud rin po che ma 'ongs srid mtha'i bar du 'byon pa'i ched kho nar gnang ba'i mdzad pa gcig pur bltas kyang sku tshe hril po 'khyol ba dang 'dra ba lags so//
dgung grangs sum cur phebs pa sa stag dpyid 'go la gong bzhin gyis bla ma yi dam sogs kyi sku par rnams dang / rje rdo rje 'chang nyid nas sku par stong du nye ba/ mchod brgya mchod dgu sdom nyis brgya skor 'debs par mdzad/ rta zla nas mchod sdong gi zangs dngul gser phra rgyan sogs bzo grwa'i bka' 'doms mdzad pa'i zangs dngul gser phra rgyan