[A:196]byes 'gyur du nub gcig bzhugs/ gnas gzigs grub nas mar lam lha 'phreng lta bu'i rgyu ma lam gyi sked tsam phebs dus/ rbab rgyugs shig byung yang ma skyon/ bsam brling du'ang zhag gcig dang mar lam ri nag rtser mchod rten rnams la phyag nas 'bring po mdzad rjes/ ri bya sder ma'i ltag tsam du phebs dus/ nam mkha' dbyings shin tu dwangs par dbon po ri'i thad du sprin dum zhig 'dus te zim char 'bab pa dang / brag chung nas bde gling lcags ri'i bar 'ja' tshon 'od skor lta bu zhig kyang shar bas thugs la ya mtshan che ba zhig 'khrungs/ gro bzhin phur sgrub grol nas slar yang grwa lnga sgrub mchod drug cur nye bar gsog gnang gis/ yum la dbang grangs gsog mdzad/ de sngon nas sde dge zhu chen rin po ches gzim chung 'phrod min yang brtag ngos gdung rgyud myur 'byon gang ci'i mtshams la thugs bsam cher bskyed dgos tshul gnang ba bzhin/ yab rje rdo rje 'chang gi gzim chung 'chi med rdo rje'i gur khang rgya bskyed de/ rten 'brel khyad zhag bcu skor la tshar phyin par mdzad/ mtshan yang 'dzam gling phun tshogs dpal 'bar du gsol te/ gu ru drag dmar sgrub mchod kyis thog mar byin gyis rlabs/ de rjes rdo rje phur pa'i ras dkyil sgrub mchod kyang mdzad pas byin chags shing thugs bag phebs pa byung gsungs/ khrums zla'i nyer gcig la dpal sa skya'i rgyab ri sengge'i gdong can gyi mig g.yon mtshon byed brag 'bur thad nas glo bur du zhig ral byung bar kun thugs