[A:197]dogs za ba'i skabs/ rje nyid kyi 'od gsal du/ 'jam dbyangs 'od 'bar ba'i sku drung na rje nyid bzhugs par/ rje btsun grags pa rgyal mtshan gyi zhabs gras yin dgongs pa'i grwa pa zhig dang gsung gleng mur/ brag ri zhig tshul de gsungs/ grwa pa de na re/ 'di rje btsun rin po che zhing khams brje skabs kyang byung bas chos rje pas rje'i dgongs rdzogs dang gdan sa'i sku rim gnyis char la dmigs nas 'jam dbyangs gzi 'od 'bar ba'i sku 'di bzhengs pas skyon ma byung / da lta'i 'di'ang dpal sa skya pa'i bstan srid la gnod pa'i lcags glang zhig 'thon nyer yod pas zer mur/ rje nyid kyi thugs snang la/ thang sku zhig gi ldebs la ri sngon po gnyis phan tshun rgyugs pa'i sne mtshams nas/ glang sngon po mig khra hrig ge pa zhig rwa nyug ge 'thon nyams byed pa 'khrungs pas/ grwa ba des sngar gyi 'phros las/ da lam yang 'jam dbyangs gzi 'od 'bar ba'i sku tshad dang mnyam pa'i 'jam dbyangs kyi sku zhig bzhengs na ngo che zhing / de mtshungs nyin gcig nang yum rgyas pa tshar gsum bklags pas phan nam zer ba zhig 'khrungs pa bzhin/ smin zla'i bcu dgu la thigs g.yab lhor dbu rtse 'jam dbyangs gzi 'od 'bar ba dang mnyam pa'i rje btsun 'jam dpal dbyangs sman 'dam las grub pa'i byin rlabs kyi gzi 'bar grang gser leb byugs can sku rgyan na bza' mchod cha sogs dang / gzungs zhugs thugs kar gzhug rgyu'i 'jam dpal gyi sku zhig thigs g.yab rten gras nas 'tshol bar mdzad