[A:17]dus gsang sngags pho brang du bzhugs skabs/ 'di yin med pa'i snyun gzhi bying nge ba zhig byung / sman dpyad rim gro spyi dang / yab rje mchog nas tshe dbang ljags chu sogs bka' drin che yang / skyed ma bzhes pa'i tshul gyis/ nyin gcig yab yum sku 'khor 'ga' dang bcas bzhugs mur dar gcig ljags dbugs kyi rgyu ba chad cing / spyan yang btsum ste dgongs pa chos dbyings su mnyam par bzhag mur/ snyan khung g.yon na mar i ri ri zer ba'i sgra zhig yun ring gsan skabs nas nye mkho rnams khra gsal gyis gzigs shing / gang ltar de dus yab yum ltos bcas kun/ da ni re ltos dang bral song dgongs pa'i thugs khral cher 'khrungs kyang / skyes bu dam pa'i khyad chos tshe sems sogs dbang bcu la mnga' brnyes pa'i brda ni 'di lta bu'o/ zhes ston pa mdzad pa dang / i ri ri zhes pa'i sgra de yab rje mchog nas tshe gzungs ljags bzlas kyi chab snyan khung du blugs pa dang / khra gsal gyis gzigs dus thugs dran gsos pa yin 'dug ces phyis su yang yang bka' bstsal/ rim gyis snyun las grol tshul bzhes te yab rje mchog nas/ yongs rdzogs bstan pa rin po che'i nyams len 'jigs bral stobs kyi mgon po/ dpal ldan bir wa pa nyid la rje btsun rdo rje bdag med mas dngos su bstsal pa'i gsung ngag rin po che lam 'bras bu dang bcas pa'i smin grol gyi dga' ston gnyis pa/ bzhugs khri padma can gyi steng nas bstsal ba'i zhal slob kyi dbus su rdo rje 'chang nyid kyang yum gyi