[A:18]sku pang du phebs te gsan bzhes mdzad/ dgung grangs bzhi pa chu byir sngags 'chang grags pa blo gros kyi phyag cha rdor dril/ rol mo sil snyan sogs bzhes te thog so gang tsam la bskyur bar mdzad kyang skyon ye mi mnga' zhing / snga phyi kun tu gzhon nu rol rtsed kyi skabs kyang phur bsgrub dang / bskang gso/ sku 'cham/ rdor dril/ 'bag sogs chos mthun 'ba' zhig gi rnam pas dus 'da' ba las gzhan ma byis spyod phal ba gtan nas mi mdzad pas/ thugs sgam zhing des pa'i sgo dang po'ang 'di tsam nas dod cing / lo der mdzod mdzin bsod nams shin tu bro 'tshal bas/ nyin gcig rje rdo rje 'chang chen po nyid gdan 'dren gyis phyag dbang skabs rje nyid la hor shel gyi phreng ba sogs phul/ mi ring bar mdzod pa de dus las yol bas gang gi yab rje nyid thugs ngal che tshul gyi skabs/ rje nyid kyis thugs gso zhabs brtan gsol 'debs sogs zhu gnang dang / khong 'das dus phur bzlog glo bur ba de'i gdab las nyi ma bzhud la khad byung ba'i lingga'i g.yas ngos su 'ug pa kho skya log gi yod pa dang / gdab kha dngos dpal 'bar gyi 'od la mdzad pa sogs thugs dran gsal por 'khrungs/ yab rjes bstsal ba'i raksha'i phyag phreng der shin tu rtsis chen gyis de la kI la ya/ hrIHShTi/ pakShiHrnams rang byung du bzla par mdzad/ gzhan yang gzigs snang la dpal mgon zhal dang / pu tra lcam sring dur khrod bdag po/ bsam yas chos skyong / a tsa ra/ mi nag sogs