[A:281]bcas nas gnas bcu lha khang du phur cha sogs khyad byang nas bzhes te mdzad/ rgyun gyi phur cha rnams la nyams gso rtsi gso yang legs par gnang / ma 'gyangs par a li chos rje dpon g.yog rnams 'byor zhing / gdan sa nas phebs mi bla ma nas gsung brtag zhu rgyu'i tho rengs 'od gsal du/ a li chos rje'i bla ma rnams la rje nyid nas dung zhig gan rgyu yin dgongs te/ dung dngul shog la skyon cung zad yod pa zhig gzhi thog pho brang gi rtse nas rje nyid kyis 'bud par mdzad pas/ de'i skad kyis sa skya'i lung pa thams cad gang ba dang / kun dga' sangs rgyas yin zer ba'i mchod me shin tu gsal ba zhig mchis par/ gzhan gyis gnod pa byed 'dug pas rje nyid nas legs par bcol gnang gis slar gsal po yong ba yod dgongs pa 'khrungs pa'i 'bras bu'ang da gzod mngon du gyur cing / dbyug zla'i tshes bcur a li bla ma sbyin bdag ngo g.yog rnams gsung gsang 'di ltar grol te/ a li chos rje sbyin bdag bcas rnams rang gzhan gnas skabs mthar thug phan bde bsam ste/ sde snod bshad grwa bzang po'i rgyun rje btsun sa skya pa'i bzhed pa dang mthun par 'dzugs 'dun gyis 'di nas bla ma dgos tshul byung ba bzhin gyi re 'bras don smin spyi sgos bstan pa rin po cher bya ba lhag par yang byas pa 'di ni/ rang cag rnams kyis rnyed pa'i mchog legs par rnyed pa sogs/ sngon gyi rgyal blon lo pan byang sems rnams dang / rje btsun sa skya pa'i gong ma'i bzhed srol dang mthun pa'i