[A:282]legs byas ngo mtshar rgya mtsho yin 'dug bla slob sbyin bdag kun la rjes su yid rang zhing / gong ma bdag po chen po/ skyabs mgon rgyal ba yab sras kyi mtshan don la phan nges kyi bya ba yin 'dug pas dga' spro rgya cher mdzod/ ces gsung gis dbugs dbyung bar mdzad do/ /smin zla'i nyer lnga lha chen gser khri rin po che gsar bskrun gyi zhal gro mgo zla'i tshes bzhir yin tshul gyi brda 'grems mdzad rgyu'i snga dro/ rgyal tshab mchog nas bsam yas sku rten pa phral rdzong gnang ba'i snga dron gyi gsung shog dngul gyi maNDal/ sa snying srang / lha gos sogs gser khri rin po cher dge ba'i la nye gsum par 'khums/ mgo zla'i tshes bzhi'i shar mda' btang tsam la rje rdo rje 'chang nyid kyi thugs bskyed 'phrin las kyis/ gcig tu lha chen sprul pa'i gandho la chen po mdzes pa'i rgyan gcig gser khri rin po che gsar bkod sgrig rgyu'i do dam du mdzod 'dzin par bkas mngags pa bzhin legs par bsgrigs 'phral/ dung mkhan gyis chos dung rin po che gsung bskul dang bstun/ lha khang chen mo'i gser gyi rgyal mtshan rnams la nyi ma shar ba'i 'od zer 'phro ba dang mnyam du/ gang na thod dang skra gsar dang / /gar dang rol mo'i sgra yod pa/ /zhes dga' ston gyi ngang tshul bzang po dang ldan pa'i kong gzhas pa rnams kyi sngun bsus/ a li dpon g.yog spu nag bla gnyer/ stod tshong dar rgyas sogs 'bul sdud pa rnams dang / phye mar gyis bkang ba'i dngul gzhong gsum khyer mi/ rgya gling pa/ mgron gnyer spos