[A:24]chung du dga' spro'i dpal la longs spyod par gnang / mi ring bar kun rdzob ltar snang du beg ge'i snyun lci ba 'dogs bcas bzhes gnang skabs/ yab rje mchog nas bka' dbang rjes gnang / byabs khrus ljags chu/ sku glud rdzong chog sogs mdzad pas gegs med snyun las grol ba'i tshul bzhes so/ /
dgung grangs dgur phebs pa me sbrul lor rje nyid kyis dpal sa skya'i yab chos gras/ khro bo'i rgyal po phyag na rdo rje 'byung po 'dul byed kyi ljags bsnyen zla gcig dbang khang bde chen smin grol bde chen du grangs bsnyen mthar phyin mdzad skabs/ lho phyogs nas 'di yin med pa'i sgra phir mang po zhig dang 'od 'khyug 'khyug byung bas ci yin dgongs/ rab gsal der gzigs pas/ sprin nag gi khrod na gur lha brgyad yongs rdzogs bya nag thams cad kyi kha nas sgog nyag re re thogs pa zhig 'khrungs/ gzhan yang rje btsun rin po che'i gzigs snang byung ba'i tshul 'bum thang ldeb bris la gsal ba bzhin dang / de lo skyabs mgon mthu stobs dbang phyug nyid phun gling du thog mar phebs skabs/ drung 'khor gyis gzhas sogs kyis bsu ba dang / skabs shig thar rtse rdo rje 'chang nam mkha' bsam 'grub nas sku mched bcas la tshe dbang zhig stsol dus/ tshe bum zan grub ma de las 'chi med tshe chu'i rgyun dngos su phebs pa'ang yab rje mchog la nyung ngu / rje rdo rje 'chang la mang tsam/ 'jam mgon gcung rin po che dang yum