[A:25]mchog drung la gtan nas ma byon pas phyis kyi rten 'brel yang de ltar du gyur cing / de dus tshe dpag med lha dgu'i sgo nas 'chi blu dang rjes 'brel gyi bka' dbang thog me tog dkyil 'khor la 'bul skabs kyang yab rje'i de sangs rgyas tshe dpag med la babs/ rje rdo rje 'chang nyid kyi de rin chen tshe dpag med la babs/ 'jam mgon gcung dam pa dang yum mchog drung gi de gzhal yas khang nang du lhung tsam byung / gur khro bcu dang zhal bsnyen dus kyi rjes gnang yang gsan/ yang thar rtse rdo rje 'chang nyid nas yab rjer sgrol dkar/ rje nyid la dbyangs can lha mo/ gcung dam par zhal sgrub dus kyi thang ga bcas bstsal ba'ang brtags shing dpyad na/ yab rje mchog la sku tshe bsring thabs sgo gang zab mdzad dgos pa dang / rje rdo rje 'chang nyid shes bya'i dkyil 'khor la sgra dbyangs lha mo lta bu'i mkhyen rab rgyas par 'gyur ba dang / gcung dam pa nyid la gnyan mgon zhal bzhi pa shin tu 'go zhing 'ches pas na/ de nyid bstan sgrub kyis phrin 'chol dgos pa'i brda yang dag pa rnams rtsa ba'i bla ma dam pa gang nas lkog gyur rjen ston du gor ma chag go /
dgung grangs bcu pa sa rtar dbang khang phu'i mgon khang srid gsum zil gnon du lha mchog rdo rje gzhon nu'i grangs kyi ljags bsnyen kha skong sbyin sreg bcas mthar phyin du bka' drin che zhing / thun bar la yab rje mchog nas sa skya bka' 'bum gyi ljags lung dang / de lo sgrol ma g.yu