[A:329]'brog mthar gling du/ gur lha brgyad sogs bstan srung rnams kyi rjes gnang / gyi lnga gza' gdong dang tshe'ii rdzong chung sogs bstsal ba gdul bya 'ga' zhig mig mi bde ba de 'phral gsal ba sogs byin rlabs zhugs rtags kyang byung ba gnang / rab gnas sogs bstsal/ rdzong lha dbang rab bstan gling dang / gsang chos la'ang zhabs bcags nas bsam sdings su phebs lam/ dus mchod gdung rabs sger la gsol 'debs glo bur du thugs la 'khrungs pa dang / bsam sdings dpe khrod nas spod gcig bzhes pa gdung rabs chen mo phyag phebs ma 'ongs pa'i la nyer dgongs te/ dus mchod gdung rabs gsol 'debs bka' rtsom dang / der lha bsangs dang / rdo rje phag mo dang phan tshun gong du bstan pa'i bka' chos gsan bsam sogs mdzad nas/ de nas sna dkar rtse'i mgon khang du gsung bskang dang / mi sde spyis zhus gtor 'dzugs kyang gnang nas srin lag tu bzhugs/ sang nyin kha ro lar lha bsangs dang gnod sbyin rnam gnyis gsol mchod bcas mdzad cing / ra lung gnas gzigs dang / sne bzhir phebs/ o rgyan yang zab rjer phar tshul chos bka' 'ga' zhig gsan nas/ rgyal rtser gur pa grwa tshang du/ phur pa/ rta mgrin yang gsang / rjes gnang dang / ljags lung phon che/ khrom dbang / de dang rdzong rtser lha bsangs/ gtor spod/ rtse chen du gnas gzigs bskang ba 'cham gzigs bcas mdzad sgo rnams grub nas/ 'brong rtse/ 'bras khud/ skyid sbug/bar tsho sogs