[A:330]su zhabs bcags/ tshe dbang / byad grol/ rjes gnang / rab gnas sogs kyi re ba bskangs nas/ mngon dga' gnas gzigs rab gnas/ rkyang 'dur bde ba can du/ kyai'i rgyud dbang cha bzhi/ khrom dbang sogs dang / lhas lding du sbyin sreg khrom dbang sogs bstsal nas/ pa nam rdzong brgyud/ dga' gdong dgon du bzhugs te gnas gzigs khrom dbang sogs gnang / de nas yul lha ba pad tshal rnams su rab gnas/ byad grol sogs mang du gnang nas zhwa lur byon/ gling bskor la me char nyil ba/ tshogs yongs la dbu ma lugs kyi sems bskyed rjes gnang khag ljags lung phon chen rnams gnas gzigs sogs don yod mdzad sgo zin nas/ ri sbug brgyud/ la rtser lha bsangs/ e waM du bdun gcig bzhugs ring / gsang ba'i mgon khang du bskang 'phrin/ tshogs yongs la dbu ma lugs kyi sems bskyed/ tshe sman gnas gsum gyi rjes gnang / ljags lung mang ba/ khrom dbang rnams dang / thar rtsed rab gnas bla mchod/ bla khag gzhan du/ tshe dbang dang rjes dbang kha shas gnas de'i mdzad sgo rnams grub nas/ srad rgod du bzhugs zhag thog klu lding sku gshegs kyi dgongs rdzogs mkha' spyod ma'i sgrub mchod mdzad pa nas bzung zhe dgu nam rdzogs bar mdzad/ de nas shab dge sding du khrom dbang / Da Di bcas par lha bsangs rab gnas/ dmigs su sbyin sreg rab gnas/ lcam mo grwa tshang par lha bsangs/ tshe dbang / byad grol/ gnas khang la phyag