[A:334]bzhin kha'u'i sman chab nas stsal/ rim gyis dam ye dbyer med kyi cho ga bsgrubs te/ shab sgo lnga'i ya gyal Da zhes thabs dang Ta'i shes rab mtshon pa'i dgon gnas su bzhugs so gsol ba'i bka' grol/ de mtshams nas rdo rje 'chang chen po de nyid ni rgyal sras byang sems chen po'i rnam thar lhur bzhes g.yel med nas/ snga sor bud med sems ma dpa' mo zer ba zhig gis bdag 'chi bdag gi zhags pas zin pa'i tshe nyid kyi thugs rjes zungs shig pa'i gsol btab bzhin/ de nyid lnga lam du song ba'i g.yu byur spos shel lha gos dri med sogs 'byor bas de 'phral lha rdzas la dmigs yul gyis mtshon lnga lam pa kun dal 'byor gyi rten dang mjal ba'i 'dod gsol dang bcas rje btsun sgrol mar phul te thugs smon sogs 'di 'dra'i rigs snga phyi kun tu mang du 'byung ba'ang 'dis mtshon par bya'o/ /de'i tshe lha chen phun tshogs gling du gzim chung smun grub thar rtse sogs dang / khams pa shag sogs ar zug skabs yin pas/ de gras la phu gsum nas btsun ma gzhon nu zhig mchis par/ tshes bcu dgu'i nyin dregs byed zhig gis brlams tshul gyis cal col mang du gleng ba'i dus/ thugs bskyed bla na med pas gong ma'i byin sna khrus chur sbyar ba dang zas gos sogs gnang zhing / ci yin gyi rgyu mtshan dang bcas gsung shog zhig bstsal yang nges gsal ni ma byung / sa ga'i tshes gcig nas bzung gong 'khod kyi zhal slob sogs skal ldan bcu phrag lnga tsam la/ rje btsun sa skya pa'i yab chos bla na med pa gsung ngag