[A:335]rin po che lam 'bras bu dang bcas pa zab mo slob bshad kyi dga' ston stsol bar mdzad pa/ rnam thar gsol 'debs las/ yongs rdzogs bstan pa'i nyams len gsung ngag chos/ /skal ldan gdul byar sdom tshe ka bzhi dang / /gdung brgyad zhal slob lung bstan bdag med ma'i/ /dbang tshe bdud rtsi khol bar lud la 'dud/ /gzhan yang snod ldan slob mar nang gi ni/ /phag mo mig lam rtsal dang bir srung dus/ /nyi zla'i 'gro 'ong bkag sogs rdzu 'phrul gyi/ /ngo mtshar mang du bstan la gsol ba 'debs/ /ces gsungs pa ltar/ chos kyi rnam grangs 'og 'jam mgon sku mched kyi rnam thar bzhin dang / gro bzhin bcu bzhi'i tho rengs rje nyid la ngor chen rdo rje 'chang gi zhal gzigs te/ zhal slob ka bzhi gdung brgyad sogs 'byung bar lung bstan dang bcas dbugs 'byung gzengs bstod mdzad pa/ zhal slob ka bzhi gdung brgyad kyi ngos 'dzin 'og tu byung zhing / gzhan yang gong du bstan pa ltar zha lu pa 'ga' zhig dang lo chen sems dpa' chen po sogs la mkha' spyod ma'i byin rlabs kyi tshe kA pa la'i bdud rtsi nang gi phag mo'i waM yig rang byung du ston par mdzad pa/ rje nyid kyi gsung las/ tshar chen yab sras gnyis da ltar dpon slob 'dii khrod na yod/ ces lung bstan pa dang / bdag med lha mo bco lnga'i tshe nang mchod 'khol zhing phyogs brgyar lud nas lag mi tshugs pa ltar tsha dbal dang bcas kun gyi mthun snang du mdzad pa dang / bir srung phyi nang gnang ba'i tshe gdan sa'i rtsis