[A:༣༣༤]བཞིན་ཁའུའི་སྨན་ཆབ་ནས་སྩལ། རིམ་གྱིས་དམ་ཡེ་དབྱེར་མེད་ཀྱི་ཆོ་ག་བསྒྲུབས་ཏེ། ཤབ་སྒོ་ལྔའི་ཡ་གྱལ་ཌ་ཞེས་ཐབས་དང་ཊའི་ཤེས་རབ་མཚོན་པའི་དགོན་གནས་སུ་བཞུགས་སོ་གསོལ་བའི་བཀའ་གྲོལ། དེ་མཚམས་ནས་རྡོ་རྗེ་འཆང་ཆེན་པོ་དེ་ཉིད་ནི་རྒྱལ་སྲས་བྱང་སེམས་ཆེན་པོའི་རྣམ་ཐར་ལྷུར་བཞེས་གཡེལ་མེད་ནས། སྔ་སོར་བུད་མེད་སེམས་མ་དཔའ་མོ་ཟེར་བ་ཞིག་གིས་བདག་འཆི་བདག་གི་ཞགས་པས་ཟིན་པའི་ཚེ་ཉིད་ཀྱི་ཐུགས་རྗེས་ཟུངས་ཤིག་པའི་གསོལ་བཏབ་བཞིན། དེ་ཉིད་ལྔ་ལམ་དུ་སོང་བའི་གཡུ་བྱུར་སྤོས་ཤེལ་ལྷ་གོས་དྲི་མེད་སོགས་འབྱོར་བས་དེ་འཕྲལ་ལྷ་རྫས་ལ་དམིགས་ཡུལ་གྱིས་མཚོན་ལྔ་ལམ་པ་ཀུན་དལ་འབྱོར་གྱི་རྟེན་དང་མཇལ་བའི་འདོད་གསོལ་དང་བཅས་རྗེ་བཙུན་སྒྲོལ་མར་ཕུལ་ཏེ་ཐུགས་སྨོན་སོགས་འདི་འདྲའི་རིགས་སྔ་ཕྱི་ཀུན་ཏུ་མང་དུ་འབྱུང་བའང་འདིས་མཚོན་པར་བྱའོ། །དེའི་ཚེ་ལྷ་ཆེན་ཕུན་ཚོགས་གླིང་དུ་གཟིམ་ཆུང་སྨུན་གྲུབ་ཐར་རྩེ་སོགས་དང་། ཁམས་པ་ཤག་སོགས་ཨར་ཟུག་སྐབས་ཡིན་པས། དེ་གྲས་ལ་ཕུ་གསུམ་ནས་བཙུན་མ་གཞོན་ནུ་ཞིག་མཆིས་པར། ཚེས་བཅུ་དགུའི་ཉིན་དྲེགས་བྱེད་ཞིག་གིས་བརླམས་ཚུལ་གྱིས་ཅལ་ཅོལ་མང་དུ་གླེང་བའི་དུས། ཐུགས་བསྐྱེད་བླ་ན་མེད་པས་གོང་མའི་བྱིན་སྣ་ཁྲུས་ཆུར་སྦྱར་བ་དང་ཟས་གོས་སོགས་གནང་ཞིང་། ཅི་ཡིན་གྱི་རྒྱུ་མཚན་དང་བཅས་གསུང་ཤོག་ཞིག་བསྩལ་ཡང་ངེས་གསལ་ནི་མ་བྱུང་། ས་གའི་ཚེས་གཅིག་ནས་བཟུང་གོང་འཁོད་ཀྱི་ཞལ་སློབ་སོགས་སྐལ་ལྡན་བཅུ་ཕྲག་ལྔ་ཙམ་ལ། རྗེ་བཙུན་ས་སྐྱ་པའི་ཡབ་ཆོས་བླ་ན་མེད་པ་གསུང་ངག་